NAKSHATRIKAVEDA
Sign In
Home/Scriptures/Sanskrit Library/Rigveda/Mandala 9/9.46

सूक्तम् 9.46 · Rigveda 9.46

ऋषिः अयास्य आङ्गिरसः। · दे. पवमानः सोमः। गायत्री।

1

असृग्रन्देववीतयेऽत्यासः कृत्व्या इव । क्षरन्तः पर्वतावृधः

2

परिष्कृतास इन्दवो योषेव पित्र्यावती । वायुं सोमा असृक्षत

3

एते सोमास इन्दवः प्रयस्वन्तश्चमू सुताः । इन्द्रं वर्धन्ति कर्मभिः

4

आ धावता सुहस्त्यः शुक्रा गृभ्णीत मन्थिना । गोभिः श्रीणीत मत्सरम्

5

स पवस्व धनंजय प्रयन्ता राधसो महः । अस्मभ्यं सोम गातुवित्

6

एतं मृजन्ति मर्ज्यं पवमानं दश क्षिपः । इन्द्राय मत्सरं मदम्

← Mandala 9 (114)

← 9.459.47 →